琴日黃昏時候,落咗市中心買儲物箱,回程時,搭巴士,喺我之前,有個婆婆上車先,上到車,車頭橫位有五個拾三、四歲嘅後生仔/女坐咗,對面兩個橫位就坐咗兩個廿零歲至四十歲嘅女人,再行入啲,最近落車門嘅八個位,就坐八個中年男人/女人,但係,竟然,係無一個人自動自覺起身讓位比個婆婆,有啲仲要乍睇唔到,有個男人就扮搵嘢,見有人比個位婆婆坐之後,仲要坐返喺自己個位個度瞓覺,婆婆有少少行動不便,而且,揹住兩袋好重嘅嘢..........讓位比呢個婆婆嘅人,都係一位老婆婆,世風日下,年紀輕唔識唸嘅,都無話可說,但係,點解有返咁上下年紀嘅,都會咁? 你、我、他都會有年紀大嘅一日,有誰可以擔保自己將來依然可以行得穩、企得穩?言教,不如身教,點解唔去以身作則?雖然,喺身邊嘅,未必係自己嘅仔女,我都唔會咁傻﹐去幫人教仔/女,不過,做返少少公民責任,都唔係好過份啫,點解唔去做啫?未有著數,不過,又無蝕底喎!
啱啱睇新聞﹐又有傳銷公司利用不良手法去做生意!見到呢啲新聞﹐真係覺得超級無奈﹐我自己都有參加傳銷公司,就係因為呢啲無良嘅人或公司﹐搞到好多時啲人一聽到「傳銷」二個字﹐都好似見鬼咁﹐走夾唔抖!就算幾best fd 都好﹐見到你﹐比面嘅咪應酬你兩句囉﹐有啲莫講話見面﹐連見到來電顯示係你﹐直頭電話都唔聽﹐直接 cut 你線!!!甚或﹐有人知道某朋友參加傳銷公司﹐就會不停咁同呢位朋友講︰「你唔好信佢哋呀﹐佢哋會同洗腦架﹐係呃人架﹐你唔好做啦﹐呢啲嘢唔啱你做架..........」諸如此類嘅說話!!!
(閱讀全文)

.jpg&mode=medium)






